मनस्वी पाऊस  :

पाऊस आला आणि गेला,
पण नीट बरसलाच नाही,
धरती तहानलेलीच राहिली,
पाऊस मात्र यावेळी परतलाच नाही.

कुठे चुकल गणित कळलंच नाही,
अंदाज केलेल्यांना पाऊस नीट समजलाच नाही,
धरती मात्र लोकानुनय करीत राहिली,
पण पाऊस मात्र यावेळी परतलाच नाही.

प्रेमधारा बरसवायला पाऊस आतुर असतो,
जलधारांनी ओथम्बलेला प्रेमातुर  दिसतो,
पण यावेळी त्याने प्रेमगीत गायलेच नाही
एकदा जो गेला तो पुनः परतलाच नाही.

काय करावे आता धरतीला कळेना झाले,
कसे आणावे पावसाला तिला उमजेना झाले,
तिची तगमग बघून पावसालाहि राहवले नाही,
निरोप धाडला त्याने,
पुढच्यावेळेस आलो कि बरसल्याशिवाय जाणार नाही.
ओथम्बलेल्या धारांनी चिंब केल्याशिवाय जाणार नाही.