घट्ट मिटल्या ओठांना, शब्द तु देऊ नको,

थांब बोलु दे मला, तु काही बोलु नको.

काय तुझी प्रतिमा मनात, काय मी सांगु तुला,

मित्रत्वाची सर्व भुषणे, केली मी अर्पण तुला,

या माझ्या भावनांना, तिलांजली देऊ नको,

थांब बोलु दे मला, तु काही बोलु नको.

जाहल्या असतील चुका, पण राग तु मानु नको.

शब्द वेडे असतील, पण भाव तु शोधु नको,

छिन्न झालेल्या मनाला, डागण्या देऊ नको,

थांब बोलु दे मला, तु काही बोलु नको.

काय बोलायचे, कसे ते आजवर जमलेच नाही,

प्रत्येकाचा वर्ग वेगळा, आजवर कळलेच नाही,

आधीच पोळल्या जीवाची, जखम तु फ़ुलवु नको,

थांब बोलु दे मला, तु काही बोलु नको.

दोष तुला देत नाही, पण तु ही मला समजुन घे रे,

मैत्र मी समजुन, सारे शब्दास्त्र तुजवर रीते केले,

त्या स्वरांना विसरून जा तु, सुर त्वा देऊ नको,

थांब बोलु दे मला, तु काही बोलु नको.

घट्ट मिटल्या ओठांना, शब्द तु देऊ नको,

थांब बोलु दे मला, तु काही बोलु नको.