पाउसाला म्हंटले येऊन जा जरा,

त्रासलेल्या धरतीला सुखावून जा जरा,

किती तुझी पहावी वाट, तूच सांग तीला,

प्रेमधारा तुझ्या बरसवून जा जरा. 

येतोस तर कसा, वेड्यासारखा येतोस,

वाऱ्याच्या संगतीने पाठशिवणी खेळतोस,

एकांती कधी भेटशील, तर खरा,

ये आणी, प्रेमधारा तुझ्या बरसवून जा जरा. 

तुझ्या येण्याने धरती कशी खुलते बघ,

हिरवा शालू नेसुन कशी नटते बघ,

लाजेचा फुलोरा तिच्या गाली दिसतोय बरा,

आलाच आहेस तर, प्रेमधारा तुझ्या बरसवून जा जरा.

असा कसा रे तु, तुला काहीच कळत नाही,

आल्या आल्या तुला, परत जायची घाई,

कसे दिस काढावे, विचार कर जरा,

प्रेमधारा तुझ्या बरसवून जा जरा. 

प्रेमधारा तुझ्या बरसवून जा जरा.