आज हे काय, झाले कळेना ,

तुझे चित्र काही, केल्या ढळेना,

का आठव ये तुझी, सांगू कुणाला,

कसे भान ठेऊ, काही कळेना.

वाटे तुझी कविता करावी,

आस तुझी शब्दांत भरावी,

धुंदिपुढे या काही स्मरेना,

कसे भान ठेऊ, काही कळेना.

चित्र काढण्या कुंचला धरावा,

न रेखाटता काही, तेथेच फिरावा,

रंगांचा मग त्या अर्थ मिळेना,

कसे भान ठेऊ, काही कळेना.

तुला आठवता माझा मी न उरतो,

कुणास सांगू मनात झुरतो,

कसे पहावे तुला, काही कळेना,

आज हे काय, झाले कळेना,

कसे भान ठेऊ, काही कळेना.