भेट तुझी  :

काय सांगु तुला, तू भेटल्याशिवाय करमत नाही,

पण तू भेटून गेलीस, कि मग जीव कशातच रमत नाही.

खूप काम करायची असतात, पण एकही करायला जमत नाही,

खर सांगतो, तू भेटून गेलीस किजीव कशातच रमत नाही.

तुझ्याच विचारांचा फक्त विचार करतो, इतर विचार मनात येतच नाहीत,

आई शप्पथ, तू भेटून गेलीस कि जीव कशातच रमत नाही.

स्वस्थ पडून राहावं म्हणून डोळे बंद केले,

तर काय करू तुझी प्रतिमा डोळ्यापुढून हटत नाही,

आणि भेटून तू गेलीस कि जीव कशातच रमत नाही.

एक काम करशील माझ्यासाठी?

जाताना स्वतःलाही  नेत जा बरोबर,

तू जातेस पण राहतेस आठवणींचा हिंदोळा मागे सोडून,

तो हिंदोळा थांबवणं मला तरी जमत नाही,

आणि काय सांगू तुला मी,

तू भेटून गेलीस कि जीव कशातच रमत नाही,

तू भेटून गेलीस कि जीव कशातच रमत नाही